سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”مؤمن وہ شخص ہے جس سے لوگ (اپنے جان و مال کے حوالے سے) مامون و محفوظ رہیں، اور مسلمان وہ ہے جس کی زبان اور ہاتھ کی ایذا سے دیگر مسلمان سلامت رہیں، اور مہاجر وہ ہے جو برائی کو ترک کر دے؛ اور اس ذات کی قسم جس کے قبضۂ قدرت میں میری جان ہے! وہ بندہ ہرگز جنت میں داخل نہیں ہوگا جس کا پڑوسی اس کی شرارتوں اور اذیتوں سے محفوظ نہ ہو۔“ [مسند أبي يعلى الموصلي/مسند أنس بن مالك/حدیث: 4187]