سیدنا انس بن مالک رضی اللہ عنہ سے روایت ہے کہ ایک خاتون نبی کریم صلی اللہ علیہ وسلم کی بارگاہ میں حاضر ہوئی اور عرض کی: ”اے اللہ کے رسول! میری ایک بیٹی ہے جو ایسی اور ویسی ہے“، پھر اس نے اپنی بیٹی کے حسن و جمال کا تذکرہ کرتے ہوئے کہا: ”میں اس (کے نکاح) کے لیے آپ صلی اللہ علیہ وسلم کو ترجیح دیتی ہوں“، آپ صلی اللہ علیہ وسلم نے فرمایا: ”میں نے اسے قبول کر لیا“، وہ مسلسل اپنی بیٹی کی تعریفیں کرتی رہی یہاں تک کہ اس نے یہ بات بھی ذکر کر دی کہ اسے کبھی سر میں درد نہیں ہوا اور نہ ہی وہ کبھی کسی بیماری کی شکایت میں مبتلا ہوئی ہے، تو آپ صلی اللہ علیہ وسلم نے (یہ سن کر) ارشاد فرمایا: ”مجھے تمہاری بیٹی کی کوئی ضرورت نہیں ہے۔“ [مسند أبي يعلى الموصلي/مسند أنس بن مالك/حدیث: 4234]