سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جب اللہ تعالیٰ کسی بندے کو اس کے جسمانی طور پر کسی آزمائش میں مبتلا کرتا ہے تو فرشتے کو حکم دیتا ہے کہ: ”اس کے وہ تمام نیک اعمال (نامۂ اعمال میں) لکھتے رہو جو یہ (تندرستی کی حالت میں) کیا کرتا تھا“، پھر اگر اللہ اسے شفا عطا فرما دے تو اسے (گناہوں سے) دھو کر پاک صاف کر دیتا ہے، اور اگر اس کی روح قبض کر لے تو اسے بخش دیتا ہے اور اس پر اپنی رحمت نازل فرماتا ہے“۔ [مسند أبي يعلى الموصلي/مسند أنس بن مالك/حدیث: 4235]