سیدہ عائشہ رضی اللہ عنہا سے روایت ہے کہ انہوں نے فرمایا: ”رسول اللہ صلی اللہ علیہ وسلم نے کبھی کسی عورت کو نہیں مارا، اور نہ ہی کبھی اپنے کسی خادم کو مارا، اور نہ ہی اپنے دستِ مبارک سے کبھی کسی چیز کو ضرب لگائی سوائے اس کے کہ آپ صلی اللہ علیہ وسلم اللہ کی راہ میں جہاد کر رہے ہوں، اور آپ صلی اللہ علیہ وسلم کو کبھی (ذاتی طور پر) کوئی ایسی تکلیف نہیں پہنچائی گئی جس کا آپ صلی اللہ علیہ وسلم نے اس کے پہنچانے والے سے انتقام لیا ہو، سوائے اس صورت کے کہ اللہ کی حدود پامال کی جائیں تو پھر آپ صلی اللہ علیہ وسلم (اللہ کی رضا کے لیے) انتقام لیتے تھے۔“ [مسند أبي يعلى الموصلي/مسند عائشة/حدیث: 4375]