شریح رحمہ اللہ سے روایت ہے کہ انہوں نے سیدہ عائشہ رضی اللہ عنہا سے دریافت کیا: ”کیا رسول اللہ صلی اللہ علیہ وسلم چٹائی پر نماز پڑھا کرتے تھے؟ کیونکہ میں نے اللہ تعالیٰ کی کتاب میں یہ پڑھا ہے: ﴿وَجَعَلْنَا جَهَنَّمَ لِلْكَافِرِينَ حَصِيرًا﴾ (اور ہم نے جہنم کو کافروں کے لیے قید خانہ بنا دیا ہے)۔“ تو انہوں نے جواب دیا: ”آپ صلی اللہ علیہ وسلم اس پر نماز نہیں پڑھا کرتے تھے۔“ [مسند أبي يعلى الموصلي/مسند عائشة/حدیث: 4448]