سیدہ عائشہ رضی اللہ عنہا سے روایت ہے کہ انہوں نے فرمایا: ”میں نے رسول اللہ صلی اللہ علیہ وسلم کو کبھی اپنے اوپر کیے گئے کسی ظلم کا بدلہ لیتے ہوئے نہیں دیکھا، بجز اس کے کہ اللہ تعالیٰ کی حرام کردہ حدود میں سے کسی چیز کی بے حرمتی کی جائے، چنانچہ جب اللہ کی محارم میں سے کسی چیز کی پامالی ہوتی تو آپ صلی اللہ علیہ وسلم اس پر سب سے زیادہ جلال فرمانے والے ہوتے، اور آپ صلی اللہ علیہ وسلم کو جب بھی دو معاملوں کے درمیان اختیار دیا گیا تو آپ صلی اللہ علیہ وسلم نے ان میں سے ہمیشہ آسان صورت ہی کو پسند فرمایا۔“ [مسند أبي يعلى الموصلي/مسند عائشة/حدیث: 4452]