سیدہ عائشہ رضی اللہ عنہا سے روایت ہے کہ میں نے رسول اللہ صلی اللہ علیہ وسلم کو یہ فرماتے ہوئے سنا: ”قیامت کے دن جس کسی کا بھی محاسبہ کیا گیا وہ ہلاک ہو گیا،“ میں نے عرض کی: اے اللہ کے رسول! کیا اللہ تعالیٰ (قرآنِ کریم میں) یہ نہیں فرماتا: ﴿يُحَاسَبُ حِسَابًا يَسِيرًا﴾ ”عنقریب اس سے آسان حساب لیا جائے گا،“ اس پر آپ صلی اللہ علیہ وسلم نے ارشاد فرمایا: ”اے عائشہ! اس سے مراد تو محض (اعمال کی) پیشی ہے، لیکن جس شخص کے حساب میں جرح و باریک بینی کی گئی وہ تو ہلاک ہو گیا۔“ [مسند أبي يعلى الموصلي/مسند عائشة/حدیث: 4453]