سیدہ عائشہ رضی اللہ عنہا سے روایت ہے کہ جب رسول اللہ صلی اللہ علیہ وسلم کی وفات ہوئی تو لوگوں نے آپ صلی اللہ علیہ وسلم کی تدفین کے مقام کے متعلق اختلاف کیا، جس پر سیدنا ابوبکر صدیق رضی اللہ عنہ نے فرمایا کہ میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ «لَا يُقْبَضُ النَّبِيُّ إِلَّا فِي أَحَبِّ الْأَمْكِنَةِ إِلَيْهِ» ”نبی کی روح صرف اسی مقام پر قبض کی جاتی ہے جو اسے سب سے زیادہ محبوب ہوتا ہے“، چنانچہ انہوں نے فرمایا کہ ”آپ صلی اللہ علیہ وسلم کو وہیں دفن کرو جہاں آپ صلی اللہ علیہ وسلم کی روح قبض کی گئی ہے“۔ [مسند أبي يعلى الموصلي/مسند أبي بكر الصديق رضي الله عنه/حدیث: 45]