سیدہ عائشہ رضی اللہ عنہا بیان کرتی ہیں کہ سیدنا ابوبکر صدیق رضی اللہ عنہ نے مجھ سے بیان کیا کہ (سفرِ ہجرت کے دوران) مشرکین میں سے ایک شخص رسول اللہ صلی اللہ علیہ وسلم کے بالکل سامنے آ کر اپنی شرمگاہ کھول کر پیشاب کرنے لگا، تو میں نے عرض کیا: ”اے اللہ کے رسول صلی اللہ علیہ وسلم ! کیا یہ شخص ہمیں دیکھ نہیں رہا؟“ آپ صلی اللہ علیہ وسلم نے ارشاد فرمایا: ”اگر یہ ہمیں دیکھ لیتا تو اس طرح ہمارے سامنے اپنی شرمگاہ کھول کر پیشاب نہ کرتا“، یعنی جب وہ دونوں (نبیِ اکرم صلی اللہ علیہ وسلم اور سیدنا ابوبکر صدیق رضی اللہ عنہ) غارِ ثور میں تشریف فرما تھے۔ [مسند أبي يعلى الموصلي/مسند أبي بكر الصديق رضي الله عنه/حدیث: 46]