سیدہ عائشہ رضی اللہ عنہا سے روایت ہے کہ جب سیدنا عبد اللہ بن ابی بکر رضی اللہ عنہ کی وفات ہوئی تو ان پر گریہ و زاری کی گئی، جس پر سیدنا ابوبکر رضی اللہ عنہ باہر مردوں کی طرف تشریف لائے اور فرمایا: ”میں ان خواتین کے معاملے میں تم سے معذرت خواہ ہوں، کیونکہ یہ ابھی جاہلیت کے زمانے سے قریب ہیں، میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ ”بے شک زندہ کے (نوحہ و ماتم کے ساتھ) رونے کی وجہ سے میت پر کھولتا ہوا گرم پانی چھڑکا جاتا ہے“۔“ [مسند أبي يعلى الموصلي/مسند أبي بكر الصديق رضي الله عنه/حدیث: 47]