مسعر رحمہ اللہ بیان کرتے ہیں کہ معن بن عبد الرحمن رحمہ اللہ نے میرے سامنے ایک تحریر نکالی اور اس پر حلف اٹھایا کہ یہ ان کے والد کی تحریر ہے، جس میں مذکور تھا کہ سیدنا عبد اللہ رضی اللہ عنہ نے فرمایا: ”اس ذات کی قسم جس کے سوا کوئی معبود برحق نہیں! میں نے رسول اللہ صلی اللہ علیہ وسلم سے بڑھ کر غلو کرنے والوں اور بال کی کھال نکالنے والوں پر کسی کو سخت نہیں دیکھا، اور آپ صلی اللہ علیہ وسلم کے بعد ان پر سیدنا ابوبکر رضی اللہ عنہ سے زیادہ کسی کو سخت نہیں پایا، اور میرا یہ گمان ہے کہ سیدنا عمر رضی اللہ عنہ تمام اہل زمین میں ان کے بارے میں (یا ان کے فتنہ کی وجہ سے) سب سے زیادہ خوف رکھنے والے تھے۔“ [مسند أبي يعلى الموصلي/مسند عبد الله بن مسعود/حدیث: 5022]