ابو وائل رحمہ اللہ سے روایت ہے کہ سیدنا عبداللہ بن مسعود رضی اللہ عنہ ہر جمعرات کو لوگوں کو وعظ و نصیحت کیا کرتے تھے، تو ایک شخص نے ان سے عرض کیا کہ ”اے ابو عبدالرحمن! کاش آپ ہمیں ہر روز وعظ فرمایا کریں؟“ تو انہوں نے فرمایا: ”درحقیقت مجھے اس بات سے یہ اندیشہ روکتا ہے کہ کہیں میں تمہیں اکتاہٹ میں نہ ڈال دوں، اور میں نصیحت کرنے کے لیے تمہارے احوال و اوقات کا اسی طرح خیال رکھتا ہوں جیسے رسول اللہ صلی اللہ علیہ وسلم ہم پر بیزاری کے خوف سے وعظ و نصیحت کے لیے ہمارے اوقات کی رعایت فرمایا کرتے تھے۔“ [مسند أبي يعلى الموصلي/مسند عبد الله بن مسعود/حدیث: 5137]