سیدنا عبد اللہ رضی اللہ عنہ سے روایت ہے کہ انہوں نے فرمایا: ”میں نے رسول اللہ صلی اللہ علیہ وسلم کے ساتھ (نفل) نماز ادا کی، تو آپ صلی اللہ علیہ وسلم نے قیام کو اتنا طویل فرما دیا کہ میں نے ایک ناپسندیدہ کام کا ارادہ کر لیا۔“ (ابو وائل رحمہ اللہ کہتے ہیں کہ) میں نے دریافت کیا: آپ نے کس بات کا ارادہ کیا تھا؟ تو انہوں نے جواب دیا: ”میں نے یہ ارادہ کر لیا تھا کہ میں بیٹھ جاؤں اور آپ صلی اللہ علیہ وسلم کو (قیام کی حالت میں تنہا) چھوڑ دوں۔“ [مسند أبي يعلى الموصلي/مسند عبد الله بن مسعود/حدیث: 5165]