سیدنا عبداللہ بن مسعود رضی اللہ عنہ سے روایت ہے کہ انہوں نے بیان کیا کہ ”میں نے ایک شخص کو قرآنِ کریم کی ایک ایسی آیت کی تلاوت کرتے ہوئے سنا جس کے برعکس میں نے رسول اللہ صلی اللہ علیہ وسلم سے سنا تھا، چنانچہ میں اس کا ہاتھ پکڑ کر رسول اللہ صلی اللہ علیہ وسلم کی خدمتِ اقدس میں حاضر ہوا، تو آپ صلی اللہ علیہ وسلم نے ارشاد فرمایا: ”تم دونوں ہی درست ہو“۔“ امام شعبہ رحمہ اللہ کہتے ہیں کہ میرا گمان ہے کہ آپ صلی اللہ علیہ وسلم نے یہ بھی ارشاد فرمایا: ”تم باہم اختلاف نہ کرو، کیونکہ تم سے پہلے کے لوگ (کتاب اللہ میں) اختلاف کرنے ہی کی وجہ سے ہلاک ہوئے تھے“۔ [مسند أبي يعلى الموصلي/مسند عبد الله بن مسعود/حدیث: 5341]