سیدنا عبداللہ بن مسعود رضی اللہ عنہ سے روایت ہے کہ ان کے پاس ایک شخص حاضر ہوا اور دریافت کیا: کیا آپ نے رسول اللہ صلی اللہ علیہ وسلم کو گھوڑوں کے متعلق کچھ فرماتے ہوئے سنا ہے؟ انہوں نے جواب دیا: جی ہاں، میں نے رسول اللہ صلی اللہ علیہ وسلم کو یہ ارشاد فرماتے ہوئے سنا ہے کہ ”گھوڑوں کی پیشانیوں کے ساتھ قیامت تک کے لیے خیر و برکت وابستہ کر دی گئی ہے، اللہ کے بھروسے پر (گھوڑے) خریدو اور اللہ ہی کے بھروسے پر (اس کے لیے) قرض لو“، عرض کیا گیا: اے اللہ کے رسول صلی اللہ علیہ وسلم ! ہم اللہ کے بھروسے پر کیسے خریدیں اور قرض لیں؟ آپ صلی اللہ علیہ وسلم نے فرمایا: ”تم یوں کہا کرو: «أَقْرِضْنَا إِلَى مَقَاسِمِنَا» ”ہمیں ہمارے حصوں (مالِ غنیمت کی تقسیم) تک قرض دے دو“ اور «بِعْنَا إِلَى أَنْ يَفْتَحَ اللَّهُ لَنَا» ”ہمیں اس وقت تک کے لیے (گھوڑا) فروخت کر دو جب تک اللہ ہمیں فتح و نصرت سے ہمکنار نہ فرما دے“، تم لوگ اس وقت تک بھلائی پر رہو گے جب تک تمہارا جہاد تروتازہ اور سرسبز رہے گا، اور عنقریب آخری زمانے میں ایسے لوگ پیدا ہوں گے جو جہاد کے بارے میں شک و شبہ کا اظہار کریں گے، پس تم ان کے دور میں بھی جہاد کرنا اور قتال کرنا، کیونکہ ان دنوں میں قتال کرنا (اجر و ثواب کے اعتبار سے) نہایت تروتازہ اور شاداب ہوگا۔“ [مسند أبي يعلى الموصلي/مسند عبد الله بن مسعود/حدیث: 5396]