سیدنا عبد اللہ بن مسعود رضی اللہ عنہ سے روایت ہے کہ ہم نے اپنے نبی صلی اللہ علیہ وسلم سے جنازے کے ساتھ چلنے کی رفتار کے متعلق دریافت کیا، تو آپ صلی اللہ علیہ وسلم نے ارشاد فرمایا: ”تیز رفتاری سے کچھ کم (درمیانی چال اختیار کرو)، کیونکہ اگر وہ (میت) صاحبِ خیر ہے تو تم اسے خیر کی طرف جلدی پہنچا رہے ہو، اور اگر وہ اس کے سوا کچھ اور ہے تو آگ والوں کے لیے (تم سے) دوری ہی بہتر ہے، جنازہ وہ ہے جس کی اتباع کی جائے اور وہ خود کسی کی اتباع نہیں کرتا، اور جو شخص جنازے سے آگے چلے وہ ان لوگوں میں سے نہیں جو جنازے کے ساتھ (شریک) ہیں۔“ [مسند أبي يعلى الموصلي/مسند عبد الله بن مسعود/حدیث: 5404]