القاسم بن عبد الرحمن رحمہ اللہ سے روایت ہے کہ سیدنا عبد اللہ بن مسعود رضی اللہ عنہ نے سیدنا اشعث رضی اللہ عنہ کے ہاتھ سرکاری بیت المال کے غلاموں میں سے کچھ غلام فروخت کیے، پھر جب وہ ان سے قیمت کا تقاضا کرنے آئے تو ان کے درمیان قیمت کے متعلق اختلاف ہو گیا، جس پر سیدنا عبد اللہ بن مسعود رضی اللہ عنہ نے فرمایا: ”کیا تم اس بات پر راضی ہو کہ میں تمہارے اور اپنے درمیان رسول اللہ صلی اللہ علیہ وسلم کے فیصلے کے مطابق فیصلہ کروں؟“ (آپ صلی اللہ علیہ وسلم کا فرمان ہے:) ”جب خرید و فروخت کرنے والے آپس میں اختلاف کریں تو بات وہی معتبر ہو گی جو بیچنے والا کہے، یا پھر وہ دونوں سودا ختم کر دیں۔“ [مسند أبي يعلى الموصلي/مسند عبد الله بن مسعود/حدیث: 5405]