سیدنا عبد اللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: ”مجھے نیند کی حالت میں خواب میں دکھایا گیا کہ میں ایک کنویں سے ڈول کے ذریعے پانی نکال رہا ہوں، پھر سیدنا ابوبکر رضی اللہ عنہ آئے اور انہوں نے ایک یا دو ڈول نکالے، ان کے نکالنے میں کچھ ناتوانی تھی، «وَاللَّهُ يَغْفِرُ لَهُ» ”اور اللہ ان کی مغفرت فرمائے“، پھر سیدنا عمر رضی اللہ عنہ آئے اور انہوں نے پانی نکالنا شروع کیا تو وہ چھوٹا ڈول ایک بڑے ڈول (چرخ) کی صورت اختیار کر گیا، پس میں نے لوگوں میں ایسا کوئی عبقری اور باکمال شخص نہیں دیکھا جو ان جیسی محنت و قوت سے کام کرتا ہو، یہاں تک کہ تمام لوگ پوری طرح سیراب ہو گئے اور انہوں نے اپنے اونٹوں کو آرام کے لیے حوض کے پاس ہی بٹھا دیا۔“ [مسند أبي يعلى الموصلي/مسند عبد الله بن عمر/حدیث: 5514]