سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے (خواب میں) ملاحظہ فرمایا کہ گویا آپ صلی اللہ علیہ وسلم کے دستِ مبارک میں سونے کے دو کنگن ہیں، تو نبی کریم صلی اللہ علیہ وسلم نے ارشاد فرمایا: ”میں نے ان دونوں پر پھونک ماری تو وہ اڑ گئے، اور وہ میری امت کے دو کذاب (انتہائی جھوٹے) ہیں؛ ایک یمامہ کا باشندہ اور دوسرا یمن کا رہنے والا، اور وہ میری امت کو ہرگز کوئی نقصان نہیں پہنچا سکیں گے۔“ [مسند أبي يعلى الموصلي/مسند عبد الله بن عمر/حدیث: 5657]