سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم کا تلبیہ ان کلمات پر مشتمل تھا: ” «لَبَّيْكَ اللَّهُمَّ لَبَّيْكَ، لَبَّيْكَ لَا شَرِيكَ لَكَ لَبَّيْكَ، إِنَّ الْحَمْدَ وَالنِّعْمَةَ لَكَ وَالْمُلْكَ، لَا شَرِيكَ لَكَ» ”میں حاضر ہوں اے اللہ! میں حاضر ہوں، تیرا کوئی شریک نہیں، میں حاضر ہوں، یقیناً تمام تعریفیں، نعمتیں اور بادشاہی تیرے ہی لیے ہے، تیرا کوئی شریک نہیں““ اور نافع رحمہ اللہ بیان کرتے ہیں کہ سیدنا عبداللہ بن عمر رضی اللہ عنہما تلبیہ میں ان کلمات کا اضافہ کیا کرتے تھے: ” «لَبَّيْكَ لَبَّيْكَ لَبَّيْكَ وَسَعْدَيْكَ، وَالْخَيْرُ فِي يَدَيْكَ وَالرَّغْبَاءُ إِلَيْكَ وَالْعَمَلُ» ”میں حاضر ہوں، بار بار حاضر ہوں اور تیری فرمانبرداری و سعادت مندی کے لیے حاضر ہوں، تمام تر بھلائی تیرے ہی دستِ قدرت میں ہے، اور تمام تر رغبت اور عمل کا رخ تیری ہی جانب ہے““۔ [مسند أبي يعلى الموصلي/مسند عبد الله بن عمر/حدیث: 5804]