سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے جب نمازِ فجر کی آخری رکعت سے (رکوع کے بعد) اپنا سر مبارک اٹھایا تو یہ دعا فرمائی: «اللَّهُمَّ أَنْجِ الْوَلِيدَ بْنَ الْوَلِيدِ وَسَلَمَةَ بْنِ هِشَامٍ وَعَيَّاشَ بْنِ أَبِي رَبِيعَةَ وَالْمُسْتَضْعَفِينَ بِمَكَّةَ، اللَّهُمَّ اشْدُدْ وَطْأَتَكَ عَلَى مُضَرَ وَاجْعَلْهَا عَلَيْهِمْ سِنِينَ كَسِنِي يُوسُفَ» ”اے اللہ! ولید بن ولید، سلمہ بن ہشام، عیاش بن ابی ربیعہ اور مکہ کے دیگر (مظلوم و) بے بس مسلمانوں کو نجات عطا فرما؛ اے اللہ! قبیلہ مضر پر اپنی گرفت سخت فرما دے اور ان پر ایسے سال (قحط) مسلط کر دے جیسے سیدنا یوسف علیہ السلام کے زمانے کے (خشک سالی کے) سال تھے“، پھر آپ صلی اللہ علیہ وسلم سجدے میں تشریف لے گئے۔ [مسند أبي يعلى الموصلي/مسند أبي هريرة رضي الله عنه/حدیث: 5873]