سیدنا ابوہریرہ رضی اللہ عنہ سے روایت ہے کہ ایک شخص رسول اللہ صلی اللہ علیہ وسلم کی خدمت میں حاضر ہوا اور عرض کی: ”اے اللہ کے رسول صلی اللہ علیہ وسلم ! کون سا صدقہ (اجر و ثواب میں) سب سے عظیم ہے؟“ آپ صلی اللہ علیہ وسلم نے ارشاد فرمایا: ”تمہارا اس حالت میں صدقہ کرنا کہ تم تندرست ہو، مال کی حرص و ہوس رکھتے ہو، فقر و تنگدستی سے ڈرتے ہو اور بقائے زندگی کی امید رکھتے ہو؛ اور تم (صدقہ دینے میں) اس وقت تک تاخیر نہ کرو کہ جب جان حلق تک پہنچ جائے تو تم کہنے لگو کہ فلاں کے لیے اتنا مال ہے اور فلاں کے لیے اتنا، حالانکہ وہ تو اب (وارث) فلاں کا ہو ہی چکا ہوتا ہے۔“ [مسند أبي يعلى الموصلي/مسند أبي هريرة رضي الله عنه/حدیث: 6080]