مروان بن الحکم سے روایت ہے کہ ہم سیدنا عثمان رضی اللہ عنہ کے ہمراہ سفر کر رہے تھے کہ انہوں نے ایک شخص کو حج اور عمرہ دونوں کا اکٹھا تلبیہ پکارتے ہوئے سنا تو دریافت فرمایا: ”یہ کون ہے؟“ لوگوں نے عرض کیا: ”یہ سیدنا علی رضی اللہ عنہ ہیں“، سیدنا عثمان رضی اللہ عنہ نے (ان سے) فرمایا: ”کیا آپ کو علم نہیں کہ میں نے اس عمل سے منع کیا ہے؟“ تو سیدنا علی رضی اللہ عنہ نے جواب دیا: ”کیوں نہیں، لیکن میں آپ کی بات کی وجہ سے رسول اللہ صلی اللہ علیہ وسلم کے فرمان کو ہرگز ترک کرنے والا نہیں ہوں۔“ [مسند أبي يعلى الموصلي/مسند علي بن أبي طالب رضي الله عنه/حدیث: 609]