سیدنا ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”قیامت کے دن تم میں سے کسی کا (زکوٰۃ نہ دیا ہوا) خزانہ ایک نہایت زہریلے گنجے سانپ کی شکل اختیار کر لے گا جس سے اس کا مالک (دہشت کے مارے) بھاگے گا، مگر وہ سانپ اس کا پیچھا کرے گا اور کہے گا: ”میں تمہارا وہی خزانہ ہوں“، یہاں تک کہ وہ شخص (بچاؤ کی کوئی راہ نہ پا کر) اپنی انگلی اس کے منہ میں دے دے گا۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6319]