سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”عرب کے لیے اس شر کی وجہ سے ہلاکت ہے جو قریب آ چکا ہے، علم میں کمی واقع ہوگی اور ’ہرج‘ کی کثرت ہو جائے گی“، انہوں نے عرض کیا: اے اللہ کے رسول صلی اللہ علیہ وسلم ! ’ہرج‘ کی کثرت سے کیا مراد ہے؟ آپ صلی اللہ علیہ وسلم نے ارشاد فرمایا: ”قتل، قتل (یعنی بکثرت خون ریزی)“۔ [مسند أبي يعلى الموصلي/تابع مسند أبي هريرة رضي الله عنه/حدیث: 6645]