سیدنا عمرو بن معدی کرب رضی اللہ عنہ سے روایت ہے کہ قبیلہ بنو کنانہ کے ایک شخص کو مامومہ (ایسا زخم جو دماغ کی جھلی تک پہنچ جائے) پہنچا تو سیدنا عمر بن الخطاب رضی اللہ عنہ نے اس کے بدلے قصاص لینے کا ارادہ فرمایا، اس پر سیدنا عباس رضی اللہ عنہ نے ان سے کہا کہ میں نے رسول اللہ صلی اللہ علیہ وسلم کو یہ ارشاد فرماتے ہوئے سنا ہے: «لَا قَوَدَ فِي مَأْمُومَةٍ، وَلَا جَائِفَةٍ، وَلَا مُنَقِّلَةٍ» ”مامومہ، جائفہ (جسم کے اندرونی خلا تک پہنچنے والا زخم) اور منقلہ (وہ زخم جس سے ہڈی ٹوٹ کر اپنی جگہ سے سرک جائے) میں قصاص نہیں ہے“، چنانچہ آپ نے اسے دیت (مالی جرمانہ) ادا کرنے کا پابند بنایا۔ [مسند أبي يعلى الموصلي/مسند العباس بن عبد المطلب رضي الله عنه/حدیث: 6705]