سلیمان بن عریب رحمہ اللہ سے روایت ہے کہ میں نے سیدنا ابوہریرہ رضی اللہ عنہ کو سیدنا ابن عباس رضی اللہ عنہما سے یہ کہتے ہوئے سنا کہ رسول اللہ صلی اللہ علیہ وسلم نے ارشاد فرمایا ہے: «رُؤْيَا الْمُسْلِمِ جُزْءٌ مِنْ أَرْبَعِينَ جُزْءًا مِنَ النُّبُوَّةِ» ”مسلمان کا خواب نبوت کے چالیس حصوں میں سے ایک حصہ ہے“، تو سیدنا ابن عباس رضی اللہ عنہما نے (اضافہ کرتے ہوئے) کہا: ”ساٹھ حصوں میں سے“، اس پر سیدنا ابوہریرہ رضی اللہ عنہ نے (تعجب سے) فرمایا: ”تم مجھ سے یہ سن رہے ہو کہ میں کہہ رہا ہوں کہ رسول اللہ صلی اللہ علیہ وسلم نے یوں فرمایا ہے اور تم اس کے مقابلے میں کہہ رہے ہو کہ ساٹھ حصوں میں سے؟“ [مسند أبي يعلى الموصلي/مسند العباس بن عبد المطلب رضي الله عنه/حدیث: 6706]