سیدنا عباس بن عبد المطلب رضی اللہ عنہ سے روایت ہے کہ انہوں نے بیان کیا: ”میں رسول اللہ صلی اللہ علیہ وسلم کے ہمراہ مدینہ منورہ سے نکلا، تو آپ صلی اللہ علیہ وسلم نے مدینہ کی جانب التفات فرمایا اور ارشاد فرمایا: ”بے شک اللہ تعالیٰ نے اس جزیرہ کو شرک سے پاک کر دیا ہے، لیکن مجھے یہ اندیشہ ہے کہ ستارے انہیں گمراہ کر دیں گے“۔ صحابہ کرام رضی اللہ عنہم نے عرض کیا: اے اللہ کے رسول صلی اللہ علیہ وسلم ! ستارے انہیں کس طرح گمراہ کریں گے؟ آپ صلی اللہ علیہ وسلم نے ارشاد فرمایا: ”(اس طرح کہ) بارش نازل ہوتی ہے تو وہ کہتے ہیں کہ ہم پر فلاں فلاں ستارے کے طفیل بارش ہوئی ہے“۔ [مسند أبي يعلى الموصلي/مسند العباس بن عبد المطلب رضي الله عنه/حدیث: 6709]