سیدنا عباس رضی اللہ عنہ سے روایت ہے کہ لوگ نبی کریم صلی اللہ علیہ وسلم کی خدمت میں حاضر ہوتے اور انہوں نے مسواک نہیں کی ہوتی تھی، تو آپ صلی اللہ علیہ وسلم نے (تنبیہاً) ارشاد فرمایا: ”تم میرے پاس اس حال میں آتے ہو کہ تمہارے دانت پیلے ہوتے ہیں اور تم مسواک نہیں کرتے؟ مسواک کیا کرو۔ اگر مجھے اپنی امت پر مشقت کا اندیشہ نہ ہوتا تو میں ان پر مسواک کو اسی طرح فرض قرار دے دیتا جس طرح میں نے ان پر وضو کو فرض کیا ہے“ اور سیدہ عائشہ رضی اللہ عنہا بیان فرماتی ہیں کہ: ”نبی کریم صلی اللہ علیہ وسلم مسلسل مسواک کی اہمیت کا تذکرہ فرماتے رہے یہاں تک کہ ہمیں یہ اندیشہ ہونے لگا کہ شاید اس کے بارے میں قرآنِ کریم (کی کوئی آیت) نازل ہو جائے۔“ [مسند أبي يعلى الموصلي/مسند العباس بن عبد المطلب رضي الله عنه/حدیث: 6710]