سیدنا عبد اللہ بن عباس رضی اللہ عنہما، سیدنا فضل بن عباس رضی اللہ عنہ سے روایت کرتے ہیں کہ ایک شخص نے عرض کیا: ”اے اللہ کے رسول صلی اللہ علیہ وسلم ! میرے والد نے بڑھاپے کی حالت میں اسلام پایا ہے اور وہ انتہائی ضعیف العمر ہیں، اگر میں انہیں کجاوے پر (رسیوں سے) باندھ دوں تو مجھے ان کی جان کا اندیشہ ہے اور اگر نہ باندھوں تو وہ سواری پر ٹھہر نہیں پاتے، تو کیا میں ان کی طرف سے حج کر سکتا ہوں؟“ آپ صلی اللہ علیہ وسلم نے دریافت فرمایا: ”تمہارا کیا خیال ہے اگر تمہارے والد پر کوئی قرض ہوتا اور تم اسے ادا کر دیتے، تو کیا وہ ان کی طرف سے (قرض کی ادائیگی کے لیے) کافی نہ ہوتا؟“ اس نے عرض کیا: جی ہاں، تو آپ صلی اللہ علیہ وسلم نے ارشاد فرمایا: ”پس اپنے والد کی جانب سے حج ادا کرو۔“ [مسند أبي يعلى الموصلي/مسند الفضل بن العباس رحمه الله/حدیث: 6717]