سیدہ عائشہ رضی اللہ عنہا سے روایت ہے کہ ”رسول اللہ صلی اللہ علیہ وسلم نے اپنی صاحبزادی سیدہ فاطمہ رضی اللہ عنہا کو طلب فرمایا اور ان سے سرگوشی کی تو وہ رونے لگیں، پھر دوبارہ ان سے سرگوشی فرمائی تو وہ ہنس دیں؛ سیدہ عائشہ رضی اللہ عنہا فرماتی ہیں کہ میں نے سیدہ فاطمہ رضی اللہ عنہا سے دریافت کیا کہ رسول اللہ صلی اللہ علیہ وسلم نے آپ سے ایسی کیا بات پوشیدہ طور پر فرمائی تھی جس پر آپ پہلے روئیں اور پھر ہنس دیں؟ تو انہوں نے جواب دیا: ”آپ صلی اللہ علیہ وسلم نے مجھ سے سرگوشی فرماتے ہوئے اپنی وفات کی خبر دی تو میں (غم سے) رونے لگی، پھر دوبارہ سرگوشی فرمائی اور مجھے بتایا کہ ان کے اہل خانہ میں سب سے پہلے میں ان کے پیچھے (وفات پا کر) ان سے جا ملوں گی، تو میں (اس بشارت پر) ہنس پڑی۔““ [مسند أبي يعلى الموصلي/مسند فاطمة بنت رسول الله صلى الله عليهما/حدیث: 6755]