سیدنا اشج عبد القیس رضی اللہ عنہ سے روایت ہے کہ نبی کریم صلی اللہ علیہ وسلم نے مجھ سے ارشاد فرمایا: ”بیشک آپ میں دو ایسی خصلتیں ہیں جنہیں اللہ تعالیٰ محبوب رکھتا ہے“، میں نے عرض کی: اے اللہ کے رسول صلی اللہ علیہ وسلم ! وہ دونوں کیا ہیں؟ آپ صلی اللہ علیہ وسلم نے ارشاد فرمایا: ”بردباری اور حیا - یا (فرمایا) بردباری اور وقار و تحمل“، میں نے دریافت کیا: کیا یہ دونوں خصلتیں مجھ میں قدیم یعنی فطری طور پر موجود ہیں یا ابھی حال ہی میں پیدا ہوئی ہیں؟ آپ صلی اللہ علیہ وسلم نے ارشاد فرمایا: ”بلکہ یہ قدیم ہیں“، تو میں نے کہا: «الْحَمْدُ لِلَّهِ الَّذِي جَبَلَنِي عَلَى خُلُقَيْنِ يُحِبُّهُمَا» ”تمام تعریفیں اللہ ہی کے لیے ہیں جس نے مجھے ایسی دو خصلتوں کی جبلت پر پیدا فرمایا جنہیں وہ پسند فرماتا ہے“۔ [مسند أبي يعلى الموصلي/حديث أشج عبد القيس/حدیث: 6848]