سیدنا ضحاک بن ابی جبیرہ رضی اللہ عنہ سے روایت ہے کہ ”زمانہ جاہلیت میں لوگوں کے (مختلف) القاب ہوا کرتے تھے، ایک مرتبہ رسول اللہ صلی اللہ علیہ وسلم نے ایک شخص کو اس کے کسی لقب سے پکارا تو آپ صلی اللہ علیہ وسلم سے عرض کیا گیا کہ اے اللہ کے رسول! وہ اس لقب کو ناپسند کرتا ہے، جس پر اللہ تعالیٰ نے یہ آیت مبارکہ نازل فرمائی: ﴿وَلَا تَنَابَزُوا بِالْأَلْقَابِ﴾ ”اور ایک دوسرے کو برے القاب سے مت پکارو“ (سورۃ الحجرات: ۱۱) پوری آیت کے اختتام تک۔“ [مسند أبي يعلى الموصلي/حديث الضحاك بن أبي جبيرة/حدیث: 6853]