سیدنا اوس رضی اللہ عنہ سے روایت ہے کہ ایک شخص رسول اللہ صلی اللہ علیہ وسلم کی خدمت میں حاضر ہوا اور آپ صلی اللہ علیہ وسلم سے مشورہ کیا - یا آپ صلی اللہ علیہ وسلم سے سرگوشی کی - جب کہ میں سن رہا تھا، تو رسول اللہ صلی اللہ علیہ وسلم نے ارشاد فرمایا: ”ان کے پاس جاؤ اور ان سے کہو کہ اسے قتل کر دیں۔“ راوی کہتے ہیں کہ پھر آپ صلی اللہ علیہ وسلم نے اسے دوبارہ طلب فرمایا چنانچہ وہ جانے کے بعد آپ صلی اللہ علیہ وسلم کی طرف واپس لوٹ آیا، تو آپ صلی اللہ علیہ وسلم نے اس سے دریافت فرمایا: ”شاید وہ «لَا إِلَهَ إِلَّا اللَّهُ» ”اللہ کے سوا کوئی معبودِ برحق نہیں“ کہتا ہے؟“ اس نے عرض کیا: جی ہاں، اللہ کی قسم! تو آپ صلی اللہ علیہ وسلم نے ارشاد فرمایا: ”ان سے کہو کہ اسے چھوڑ دیں، کیونکہ میری طرف یہ وحی کی گئی ہے کہ میں لوگوں سے قتال کروں، پھر جب وہ «لَا إِلَهَ إِلَّا اللَّهُ» ”اللہ کے سوا کوئی معبودِ برحق نہیں“ کہہ دیں تو ان کے خون مجھ پر حرام ہو گئے سوائے کسی حق کے، اور ان کا حساب اللہ تعالیٰ کے ذمے ہے۔“ [مسند أبي يعلى الموصلي/حديث أوس/حدیث: 6862]