سیدنا عروہ فقیمی رضی اللہ عنہ سے روایت ہے کہ انہوں نے بیان کیا: میں مدینہ منورہ حاضر ہوا اور مسجد میں داخل ہوا تو لوگ نماز کا انتظار کر رہے تھے، پھر ہمارے سامنے ایک صاحب (رسول اللہ صلی اللہ علیہ وسلم ) تشریف لائے جن کے سرِ مبارک سے وضو یا غسل کی وجہ سے پانی کے قطرے ٹپک رہے تھے، انہوں نے ہمیں نماز پڑھائی۔ جب ہم نماز سے فارغ ہوئے تو لوگ آپ کی طرف متوجہ ہو کر عرض کرنے لگے: ”اے اللہ کے رسول! اس معاملے کے بارے میں آپ کا کیا ارشاد ہے؟ اور اس (دوسرے) معاملے کے متعلق آپ کیا فرماتے ہیں؟“ انہوں نے کئی مرتبہ یہ سوال دہرایا تو رسول اللہ صلی اللہ علیہ وسلم نے ارشاد فرمایا: ”اے لوگو! بے شک اللہ کا دین سراسر آسانی ہے، اے لوگو! بے شک اللہ کا دین سراسر آسانی ہے“۔ [مسند أبي يعلى الموصلي/حديث عروة الفقيمي/حدیث: 6863]