سیدہ ام سلمہ رضی اللہ عنہا سے روایت ہے کہ انہوں نے اپنے ایک رشتہ دار کو دیکھا کہ جب وہ سجدہ کرنے کا ارادہ کرتے تو (سجدہ گاہ سے مٹی ہٹانے کے لیے) پھونک مارتے تھے، اس پر آپ رضی اللہ عنہا نے (انہیں ٹوکتے ہوئے) فرمایا کہ رسول اللہ صلی اللہ علیہ وسلم نے رباح نامی ایک غلام سے فرمایا تھا: «تَرِّبْ وَجْهَكَ» ”اپنے چہرے کو مٹی سے آلودہ ہونے دو۔“ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 6954]