سیدہ ام سلمہ رضی اللہ عنہا سے روایت ہے کہ میں نے نبی کریم صلی اللہ علیہ وسلم سے عرض کی: ”بے شک ہشام بن مغیرہ صلہ رحمی کرتا، مہمان نوازی کرتا، قیدیوں کو رہا کراتا اور کھانا کھلایا کرتا تھا، اور اگر وہ (آپ صلی اللہ علیہ وسلم کا زمانہ) پا لیتا تو ضرور اسلام قبول کر لیتا، تو کیا یہ (اعمال) اسے نفع دیں گے؟“ آپ صلی اللہ علیہ وسلم نے ارشاد فرمایا: ”نہیں، وہ تو یہ سب دنیا، اس کی شہرت اور اپنی تعریف و ستائش کی خاطر کرتا تھا، اور اس نے کبھی زندگی میں ایک دن بھی یہ نہیں کہا: «رَبِّ اغْفِرْ لِي يَوْمَ الدِّينِ» ”اے میرے رب! جزا و سزا کے دن میری مغفرت فرما دینا۔““ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 6965]