حسان بن مخارق رحمہ اللہ سے روایت ہے کہ سیدہ ام سلمہ رضی اللہ عنہا نے بیان فرمایا: ”میری ایک صاحبزادی بیمار ہوگئی تو میں نے اس کے لیے ایک کوزے میں نبیذ تیار کی، پھر نبی کریم صلی اللہ علیہ وسلم تشریف لائے جبکہ وہ (نبیذ) جوش مار رہی تھی، آپ صلی اللہ علیہ وسلم نے دریافت فرمایا: ”یہ کیا ہے؟“ میں نے عرض کیا کہ میری بیٹی بیمار ہے، اس لیے ہم نے اس کے لیے یہ (نبیذ) تیار کی ہے، تو آپ صلی اللہ علیہ وسلم نے ارشاد فرمایا: ”یقیناً اللہ عزوجل نے تمہاری شفا حرام کردہ چیزوں میں نہیں رکھی۔““ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 6966]