سیدہ ام سلمہ رضی اللہ عنہا سے روایت ہے کہ رسول اللہ صلی اللہ علیہ وسلم نے عصر کی نماز ادا فرمائی، پھر میرے گھر تشریف لائے اور دو رکعتیں پڑھیں، تو میں نے عرض کی: ”اے اللہ کے رسول صلی اللہ علیہ وسلم ! آپ نے ایسی نماز پڑھی ہے جو آپ (پہلے) نہیں پڑھا کرتے تھے“، تو آپ صلی اللہ علیہ وسلم نے ارشاد فرمایا: ”میرے پاس کچھ مال آیا تھا جس کی مصروفیت نے مجھے ان دو رکعتوں سے روک دیا تھا جو میں ظہر کے بعد پڑھا کرتا تھا، چنانچہ میں نے انہیں اب ادا کیا ہے“۔ میں نے عرض کی: ”اے اللہ کے رسول صلی اللہ علیہ وسلم ! اگر وہ (سنتیں) ہم سے رہ جائیں تو کیا ہم بھی ان کی قضا کریں؟“ آپ صلی اللہ علیہ وسلم نے ارشاد فرمایا: ”نہیں۔“ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 7028]