سیدنا عبد اللہ بن عباس رضی اللہ عنہما اپنی خالہ (سیدہ میمونہ رضی اللہ عنہا) سے روایت کرتے ہیں کہ انہوں نے فرمایا: ”میں نے رسول اللہ صلی اللہ علیہ وسلم کے غسلِ جنابت کے لیے پانی رکھا، تو آپ صلی اللہ علیہ وسلم نے برتن کو اپنے بائیں ہاتھ سے دائیں ہاتھ پر جھکایا اور اپنی ہتھیلیوں کو تین بار دھویا، پھر اپنی شرمگاہ پر پانی بہا کر اسے دھویا، پھر اپنے ہاتھ کو دیوار یا زمین پر مار کر رگڑا، پھر کلی کی، ناک میں پانی ڈالا، اپنا چہرہ اور بازو دھوئے اور اپنے سر پر پانی بہایا، پھر اپنے تمام جسم پر پانی بہایا، اس کے بعد آپ صلی اللہ علیہ وسلم اپنی جگہ سے ہٹ گئے اور اپنے دونوں پاؤں دھوئے، پھر میں آپ صلی اللہ علیہ وسلم کی خدمت میں کپڑا لائی تو آپ صلی اللہ علیہ وسلم نے اپنے ہاتھ سے اس طرح اشارہ کیا، یعنی اسے لینے سے انکار فرما دیا۔“ [مسند أبي يعلى الموصلي/تابع حديث ميمونة زوج النبي صلى الله عليه وسلم/حدیث: 7101]