امۃ اللہ بنت رزینہ رحمہا اللہ سے مروی ہے کہ ان سے (علیلہ کی والدہ نے) دریافت کیا: اے امۃ اللہ! کیا آپ کو آپ کی والدہ سیدہ رزینہ رضی اللہ عنہا نے یہ حدیث بیان کی ہے کہ انہوں نے رسول اللہ صلی اللہ علیہ وسلم کو یومِ عاشورہ کے روزے کا تذکرہ فرماتے ہوئے سنا ہے؟ انہوں نے جواب دیا: ”جی ہاں، اور رسول اللہ صلی اللہ علیہ وسلم اس دن کی اس قدر تعظیم و اہمیت بیان فرماتے تھے کہ اپنے گھرانے کے شیر خوار بچوں اور اپنی صاحبزادی سیدہ فاطمہ رضی اللہ عنہا کے دودھ پیتے بچوں کو طلب فرماتے، پھر ان کے دہنِ مبارک میں اپنا لعابِ دہن ڈالتے اور ان کی ماؤں سے ارشاد فرماتے: «لَا تُرْضِعْنَهُنَّ إِلَى اللَّيْلِ» ”انہیں رات ہونے تک دودھ نہ پلانا۔““ [مسند أبي يعلى الموصلي/حديث رزينة/حدیث: 7162]