سیدنا نبی کریم صلی اللہ علیہ وسلم کے ایک صحابی رضی اللہ عنہ سے روایت ہے کہ نبی کریم صلی اللہ علیہ وسلم نے عصر کی نماز ادا فرمائی، تو ایک شخص (نفل) نماز پڑھنے کے لیے کھڑا ہو گیا، سیدنا عمر رضی اللہ عنہ نے اسے دیکھا تو اس سے فرمایا: ”بیٹھ جاؤ، کیونکہ اہلِ کتاب اسی وجہ سے ہلاک ہوئے کہ ان کی نمازوں کے درمیان کوئی امتیازی فاصلہ نہیں ہوتا تھا،“ (یہ سن کر) رسول اللہ صلی اللہ علیہ وسلم نے ارشاد فرمایا: «أَحْسَنَ ابْنُ الْخَطَّابِ» ”ابنِ خطاب نے بہت خوب اور درست بات کہی ہے۔“ [مسند أبي يعلى الموصلي/مسند تميم الداري/حدیث: 7166]