سیدنا معاویہ رضی اللہ عنہ سے روایت ہے کہ انہوں نے منبر پر خطاب فرماتے ہوئے، جبکہ ان کے ہاتھ میں بالوں کا ایک گچھا تھا، فرمایا: ”تمہاری عورتوں کو کیا ہو گیا ہے کہ وہ اپنے سروں پر اس جیسی چیزیں (مصنوعی بال) لگاتی ہیں؟ میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ: «مَا مِنِ امْرَأَةٍ تَجْعَلُ فِي رَأْسِهَا شَعَرًا مِنْ شَعَرِ غَيْرِهَا إِلَّا كَانَ زُورًا» ”جو بھی عورت اپنے سر کے بالوں میں کسی دوسرے کے بالوں کا جوڑ لگاتی ہے تو وہ سراسر جھوٹ اور دھوکا ہے“۔“ [مسند أبي يعلى الموصلي/حديث معاوية بن أبي سفيان رضي الله عنه/حدیث: 7357]