سیدنا جبیر بن مطعم رضی اللہ عنہ سے روایت ہے کہ ”رسول اللہ صلی اللہ علیہ وسلم جب نماز میں داخل ہوتے (یعنی نماز شروع فرماتے) تو یہ دعا پڑھتے تھے: «اللَّهُ أَكْبَرُ كَبِيرًا، وَالْحَمْدُ لِلَّهِ كَثِيرًا - ثَلَاثًا - سُبْحَانَ اللَّهِ بُكْرَةً وَأَصِيلًا - ثَلَاثًا - أَعُوذُ بِاللَّهِ مِنَ الشَّيْطَانِ الرَّجِيمِ مِنْ نَفْخِهِ وَهَمْزِهِ وَنَفْثِهِ» ”اللہ سب سے بڑا ہے بہت ہی بڑا، اور تمام تعریفیں اللہ ہی کے لیے ہیں بہت زیادہ (تین مرتبہ)، اور اللہ کی پاکی بیان کرتا ہوں صبح و شام (تین مرتبہ)؛ میں شیطان مردود سے اللہ کی پناہ مانگتا ہوں، اس کے پھونکنے (تکبر)، اس کے کچوکے (جنون و دیوانگی) اور اس کے دم کرنے (بے ہودہ شاعری) سے۔“ راویِ حدیث عمرو رحمہ اللہ نے ان الفاظ کی وضاحت کرتے ہوئے فرمایا کہ: ”نَفْخ سے مراد تکبر ہے، ہَمْز سے مراد وہ جنون یا غشی ہے جو انسان کو لاحق ہو جاتی ہے اور نَفْث سے مراد (مذموم) شاعری ہے۔“ [مسند أبي يعلى الموصلي/حديث جبير بن مطعم، عن النبي صلى الله عليه وسلم/حدیث: 7398]