نضر بن شیبان رحمہ اللہ بیان کرتے ہیں کہ میں عرفات میں تھا تو میری ملاقات ابو سلمہ بن عبدالرحمن رحمہ اللہ سے ہوئی۔ میں نے کہا: ”مجھے کوئی ایسی بات سنائیے جو آپ نے اپنے والد سے سنی ہو اور آپ کے والد اور رسول اللہ صلی اللہ علیہ وسلم کے درمیان کوئی واسطہ نہ ہو۔“ انہوں نے کہا: مجھ سے میرے والد (سیدنا عبدالرحمن بن عوف رضی اللہ عنہ) نے رسول اللہ صلی اللہ علیہ وسلم سے بیان کیا کہ آپ صلی اللہ علیہ وسلم نے فرمایا: ”بے شک اللہ تعالیٰ نے رمضان کے روزے فرض کیے ہیں اور میں نے اس کے قیام کو سنت قرار دیا ہے۔“ [مسند أبي يعلى الموصلي/من مسند عبد الرحمن بن عوف/حدیث: 864]