صالح بن مسعود رحمہ اللہ بیان کرتے ہیں کہ میں نے سیدنا ابو جحیفہ رضی اللہ عنہ کو فرماتے ہوئے سنا: ”ہم رسول اللہ صلی اللہ علیہ وسلم کے پاس آئے تو آپ صلی اللہ علیہ وسلم نے ہمارے لیے بارہ جوان اونٹنیاں دینے کا حکم فرمایا، ہم ابھی انہیں وصول کرنے کی کوشش میں تھے کہ آپ صلی اللہ علیہ وسلم کی وفات ہو گئی، تو لوگوں نے وہ ہمیں نہ دیں یہاں تک کہ (ابو بکر رضی اللہ عنہ کی خلافت پر) جمع ہو گئے۔“ میں نے سیدنا ابو جحیفہ رضی اللہ عنہ سے کہا: ”مجھے رسول اللہ صلی اللہ علیہ وسلم کے بارے میں کچھ بتائیے۔“ انہوں نے فرمایا: ”آپ صلی اللہ علیہ وسلم سفید رنگت والے تھے، آپ صلی اللہ علیہ وسلم کے رخساروں کے بال کچھ سفید ہو چکے تھے۔“ [مسند أبي يعلى الموصلي/من مسند أبي جحيفة/حدیث: 879]