سیدنا فضالہ بن عبید رضی اللہ عنہ بیان کرتے ہیں کہ رسول اللہ صلی اللہ علیہ وسلم نے حجۃ الوداع کے موقع پر فرمایا: ”کیا میں تمہیں مومن کے بارے نہ بتلا دوں کہ وہ کون ہوتا ہے؟ (‏‏‏‏یاد رکھو) مومن وہ ہے کہ جس سے لوگ اپنے مالوں اور جانوں کے بارے میں پرامن رہیں، مسلمان وہ ہے کہ جس کی زبان اور ہاتھ سے لوگ محفوظ رہیں، مجاہد وہ ہے کہ جو اللہ تعالیٰ کی اطاعت کے سلسلے میں اپنے نفس سے لڑے اور مہاجر وہ ہے جو خطاؤں اور گناہوں کو ترک کر دے۔“ [سلسله احاديث صحيحه/الاداب والاستئذان/حدیث: 2722]