«عَنْ» سے – «صُهَيْبٍ» صہیب – «رَضِيَ اللَّهُ عَنْهُ» اللہ ان سے راضی ہو – «أَنَّ» کہ – «النَّبِيَّ» نبی نے – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «قَالَ» فرمایا: – «ثَلَاثٌ» تین (چیزیں) ہیں – «فِيهِنَّ» جن میں – «الْبَرَكَةُ» برکت ہے – «الْبَيْعُ» بیچنا – «إِلَى أَجَلٍ» ایک مدت تک (ادھار) – «وَالْمُقَارَضَةُ» اور مضاربت – «وَخَلْطُ» اور ملانا – «الْبُرِّ» گندم کو – «بِالشَّعِيرِ» جو کے ساتھ – «لِلْبَيْتِ» گھر کے لیے – «لَا لِلْبَيْعِ» نہ کہ بیچنے کے لیے۔ – «رَوَاهُ» اسے روایت کیا – «ابْنُ مَاجَهْ» ابن ماجہ نے – «بِإِسْنَادٍ ضَعِيفٍ» ضعیف سند کے ساتھ۔
سیدنا صہیب رضی اللہ عنہ سے روایت ہے کہ نبی صلی اللہ علیہ وآلہ وسلم نے فرمایا: ”تین چیزوں میں برکت ہے: ایک مقررہ مدت تک ادھار بیچنا، مضاربت (کسی کو تجارت کے لیے مال دینا) اور گھر کے (استعمال کے) لیے گندم میں جو ملانا نہ کہ بیچنے کے لیے۔“ اسے ابن ماجہ نے ضعیف سند کے ساتھ روایت کیا ہے۔ [بلوغ المرام/كتاب البيوع/حدیث: 765]

«عَنْ» سے – «حَكِيمِ بْنِ حِزَامٍ» حکیم بن حزام – «رَضِيَ اللَّهُ عَنْهُ» اللہ ان سے راضی ہو – «أَنَّهُ» کہ وہ – «كَانَ يَشْتَرِطُ» شرط لگایا کرتے تھے – «عَلَى الرَّجُلِ» آدمی پر – «إِذَا» جب – «أَعْطَاهُ» اسے دیتے – «مَالًا» مال – «مُقَارَضَةً» مضاربت کے طور پر – «أَنْ لَا تَجْعَلَ» کہ تم نہ لگانا – «مَالِي» میرا مال – «فِي كَبِدٍ رَطْبَةٍ» تر جگر (جاندار) میں – «وَلَا تَحْمِلَهُ» اور نہ اسے لے جانا – «فِي بَحْرٍ» سمندر میں – «وَلَا تَنْزِلَ بِهِ» اور نہ اسے لے کر اترنا – «فِي بَطْنِ مَسِيلٍ» نالے (سیلاب کی گزرگاہ) کے اندر – «فَإِنْ فَعَلْتَ» پس اگر تم نے کیا – «شَيْئًا مِنْ ذَلِكَ» ان میں سے کچھ – «فَقَدْ ضَمِنْتَ» تو تم ضامن ہو گئے – «مَالِي» میرے مال کے۔ – «رَوَاهُ» اسے روایت کیا – «الدَّارَقُطْنِيُّ» دارقطنی نے – «وَرِجَالُهُ» اور اس کے راوی – «ثِقَاتٌ» ثقہ ہیں۔ – «وَقَالَ» اور کہا – «مَالِكٌ» مالک نے – «فِي الْمُوَطَّإِ» موطا میں – «عَنِ الْعَلَاءِ بْنِ عَبْدِ الرَّحْمَنِ بْنِ يَعْقُوبَ» علاء بن عبدالرحمن بن یعقوب سے – «عَنْ أَبِيهِ» انہوں نے اپنے والد سے – «عَنْ جَدِّهِ» انہوں نے اپنے دادا سے – «إِنَّهُ» کہ انہوں نے – «عَمِلَ» کام کیا – «فِي مَالٍ» مال میں – «لِعُثْمَانَ» عثمان کے – «عَلَى أَنَّ» اس شرط پر کہ – «الرِّبْحَ» نفع – «بَيْنَهُمَا» ان دونوں کے درمیان ہو گا۔ – «وَهُوَ» اور یہ – «مَوْقُوفٌ» موقوف – «صَحِيحٌ» صحیح ہے۔
سیدنا حکیم بن حزام رضی اللہ عنہ سے روایت ہے کہ جب وہ کسی آدمی کو مضاربت پر مال دیتے تو اس پر یہ شرط لگاتے تھے کہ تم میرا مال کسی جاندار (کی خرید) میں نہ لگانا، نہ اسے سمندر میں لے جانا اور نہ اسے لے کر کسی نالے کے نشیب میں اترنا، اگر تم نے ان میں سے کچھ کیا تو تم میرے مال کے ضامن ہو۔ اسے دارقطنی نے روایت کیا ہے اور اس کے راوی ثقہ ہیں۔ اور امام مالک نے موطا میں علاء بن عبدالرحمن بن یعقوب سے، انہوں نے اپنے والد سے، انہوں نے ان کے دادا سے روایت کیا کہ انہوں نے سیدنا عثمان رضی اللہ عنہ کے مال میں اس شرط پر کام کیا کہ نفع دونوں کے درمیان (تقسیم) ہو گا۔ اور یہ موقوف صحیح ہے۔ [بلوغ المرام/كتاب البيوع/حدیث: 766]