سیدنا انس بن مالک رضی اﷲ عنہ سے مروی ہے کہ رسول اللہ صلی اللہ علیہ وسلم نے فرمایا: ”جو یہ چاہتا ہے کہ اس کے رزق میں اس کے لیے وسعت کر دی جائے اور اس کے لیے اس کی عمر طویل کر دی جائے اسے چاہیے کہ صلہ رحمی کیا کرے۔“ [صحيح الادب المفرد/حدیث: 41]

سیدنا ابوہریرہ رضی اﷲ عنہ سے مروی ہے کہ انہوں نے کہا کہ میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ جسے یہ بات پسند ہو کہ اس کے لیے اس کے رزق میں وسعت کر دی جائے اور اس کی عمر بڑھا دی جائے اسے چاہیے کہ صلہ رحمی کیا کرے۔ [صحيح الادب المفرد/حدیث: 42]