سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”جس نے ہمارے چھوٹوں پر رحم نہیں کیا اور ہمارے بڑوں کا حق احترام نہیں پہچانا وہ ہم میں سے نہیں ہے۔“ [صحيح الادب المفرد/حدیث: 271]

سیدنا عبداللہ بن عمرو بن عاص رضی اللہ عنہ سے مروی ہے وہ اس حدیث کو نبی صلی اللہ علیہ وسلم سے مرفوع روایت کرتے ہیں کہ آپ صلی اللہ علیہ وسلم نے فرمایا: ”جس نے ہمارے چھوٹوں پر رحم نہیں کیا اور ہمارے بڑوں کا حق نہیں پہچانا وہ ہم میں سے نہیں ہے۔“ [صحيح الادب المفرد/حدیث: 272]

سیدنا ابوامامہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”جس نے ہمارے چھوٹوں پر رحم نہیں کیا اور ہمارے بڑے کی تکریم نہیں کی وہ ہم میں سے نہیں ہے۔“ [صحيح الادب المفرد/حدیث: 273]